Fatkeqësia më e madhe e këtij vendi nuk është se ka të marrë, por se në këtë shekull në vendin tonë ekzistojnë akoma njerëz me mend në kokë… që ndjekin të marrët.
Marrëzitë dhe bëmat e Sali Berishës nuk ka lum e jo më llum drejtësie që i lanë, e megjithatë ai vazhdon dhe baltos vendin dhe shqiptarët pa pikën e drojes, sepse siç po duket era që frynë nga drejtësia atë e ka futur në listën e të marrëve, megjithëse është profesor, pra jo aq i marrë sa e mendojnë dumanët por…shkencëtarë.
Dhe të marrët po mbijnë si kërpurdhat pas shiut në Shqipëri. Pa pritur na shfaqet një tjetër profesor me emrin Pilinci, ky nga Amerika, me idenë e një të sëmuri psiqik që ka bindur veten dhe të bindi edhe një turmë bashibuzukësh që i shkojnë pas se ky derdimen është Mesia… i dërguar i Trump.
Në fakt Pilinci nga jugu se Saliu nga Veriu janë si dy vëllezër “siamez” që ngjajnë në çdo gjë.
Berisha ka 35 vjet që shanë, fyen sulmon dhe grabit Shqipërinë dhe tani megjithëse eshtë në gjykim për disa vepra penale, bredh lart e poshtë si mbreti i Shqipërisë me makina dhe eskorta, kur në opinionin shqiptarë është faqja më e zezë e Shqipërisë, që akoma nuk ka marrë dënimin… që herët a vonë do e marrë nga zoti, se nga shteti…kurrë .
Vëllai i tij siamizi Pilinci, një marrak që duhet të jetë larguar fshehurazi nga psikiatria nuk shanë Shqipërinë, por Ramën qeverinë dhe ndërsa Berisha kërkon akoma qeveri teknike Pilinci e ka “krijuar”. Madje tani është duke drejtuar vendin nga makina e tij luksoze me shpurën e rojeve, që askush nuk e verifikon se kush i paguan edhe nga çfarë burimi vijnë këto të ardhura. E njëjta pyetje edhe për sheikun e Brrakës Sali…
Kush ia paguan eskortat dhe makinat këtij deliranti që paguhet me një pagë deputeti për të kompletuar figurën e tij si “i madhi” i politkës shqiptare?
Pavarsisht se qeshim me këta aktor klloun në fakt Janë dy të marrë , dy profesor që kanë harruar se në çfarë fushe janë të tillë, dy të trembur që nga paranoja që mendojnë se janë aq të rëndësishëm në Shqipëri, sa jeta e tyre është në rrezik çdo minutë, dy njerëz delirant që mendojnë se me ushtrinë e rojeve kanë realizuar ëndrrën si udhëheqës, dy pleq që me humorin e tyre të zi do mbushin një pjesë të jetës së tyre biologjike drejtë fundit.
SPAK i ka nxjerë të livadhisin, duke menduar se edhe këta na duhen, për të treguar mëshirën e madhe që ka drejtësia për të çmendurit, apo vetë kupola e SPAK është i mbushur me marrëzira dhe i tremben të ardhmes tyre që edhe mund të ketë një fund të tillë./Ekskuzive.al
