Kryeministri Edi Rama, ka publikuar sërish pamje nga Tirana ku biznese të ndryshme kanë zaptuar hapësirat publike për ushtrimin e aktivitetit të tyre.
Rama ka shpërndarë në rrjetet sociale një video ku një qytetar është duke lyer me bojë një varkë në një zonë pranë bulevardit të Tiranës.
“Kjo nuk mund të jetë kurrsesi një skenë e zakonshme nga jeta e një lagjeje në qytetet e Shqipërisë 2030 në BE, e jo më një skenë e përditshme as 1 kilometër nga bulevardi i Tiranës”, shkruan ai.
Rama më tej shton se se kushdo që e dhunon hapësirën e përbashkët publike duhet të ndëshkohet penalisht.
“Shumë shpejt do të kemi një pako speciale ligjore për këtë soj dhunuesish”, paralajmëron ai.
Kjo nuk mund të jetë kurrësesi një skenë e zakonshme nga jeta e një lagjeje në qytetet e Shqipërisë 2030 në BE, e jo më një skenë e përditshme as 1 kilometër nga bulevardi i Tiranës????
Dhe këtu nuk është çështja të shkojë ky e të shkojë ai për t’i larguar këta dhunues të jetës komunitare duke i gjobitur????
Këtu duhet vënë njëherë e mirë me ligj e me zakon dhe kushdo që e dhunon hapësirën e përbashkët publike me një akt zaptimi, duke bllokuar, ndërtuar, ndotur apo bërë biznes në kurriz të komunitetit, duhet të ndëshkohet penalisht????
Shumë shpejt do të kemi një pako speciale ligjore për këtë soj dhunuesish⚖️
