Muli ka marrë sot shumë reagime lidhur me qëndrimin që demokratët duhet të mbajnë ndaj deklaratës së Doktorit që merrte në mbrojtje lalin, Erionin, për persekutimin në burg.
Shumë demokratë pyesnin të shqetësuar se çfarë nënkupton kjo.
Muli i vënë në siklet thirri Lelon të hartonin bashkë një qëndrim për demokratët.
– Mendoj se kyçi i shpjegimit është Ulsiu, tha Muli.
Ne duhet të sulmojmë Ulsiun shumë fort.
Tek demokratët do ta justifikojmë këtë se ai ka favorizuar Salianjin duke e lejuar të mbjellë flokët dhe të bëjë hundët, dhe linçon Veliajn, me qëllim që të na diskreditojë ne si parti dhe të quhemi parti e kapur.
Domethënë, ta hamë ne për flokët e Salianjit.
Ndaj, për ta goditur këtë fenomen, duhet të mbrojmë Veliajn për sjelljet e Ulsiut në burg.
Nga ana tjetër, Ulsiu na duhet aty dhe duke e sulmuar ne, Rama e mban ministër dhe kështu përçarja vazhdon të thellohet.
Vetëm me këtë skemë mund t’ia dalim.
– Qenka ide e mire, tha Lelo.
Domethënë, mbrojtjen e Veliajt duhet ta justifikojmë me diferencimin që ka bërë Ulsiu mes Veliajt e Salianjit për të na diskredituar si parti.
– Po, tha Muli.
-Ndërkohë që mbrojtja jonë për Veliajn e shkatërron më keq Veliajn dhe e forcon më shumë Ulsiun në sytë e socialistëve.
Me një gur vrasim dy zogj, tha Lelo.
– Po, tha Muli.
– Kjo ka për të funksionuar, tha Lelo.
Tek pjesa jonë po njëherë. Nuk e di tek ata socialistët.
Po të jenë si ne, edhe ata do funksionojë./Antena/ Tema
