Armando Broja do të jetë futbollisti më i ri i Burnley. Sulmuesi 22-vjeçar ka vendosur që të mbyllë aventurën e tij me Chelsea, për të nisur një të re me ekipin tjetër të Premier League.
Vizitat mjekësore te klubi i ri, shqiptari do t’i kryejë brenda 24 orëve. Ndërkohë që sipas mediave angleze, sulmuesi i Kombëtares shqiptare pritet të firmosë me Burnley kontratë 5-vjeçare.
Ende nuk dihet sa do të përfitojë Chelsea nga ky operacion. Kujtojmë se largimi përfundimtar vjen pas shumë huazimeve në ekipe si Vitesse, Southampton, Fulham apo Everton.
