Vetëm një në gjashtë gjermanë thonë se do të ishin të gatshëm të merrnin armët pa hezitim për të mbrojtur vendin e tyre nëse Gjermania do të përfshihej në një konflikt të armatosur, sipas një sondazhi të publikuar të dielën.
Në sondazhin e kryer nga Instituti Gjerman Forsa për grupin mediatik RND, 16% e mostrës thanë se “patjetër” do të shkonin në luftë, ndërsa 22% të tjerë thanë se “ndoshta” do ta bënin këtë.
Por një shumicë e qartë, 59% e të anketuarve, u përgjigjën “ndoshta” ose “patjetër” që jo. Ndër gratë në mostër, hezitimi rritet në 72%.
Në të njëjtën kohë, më shumë se 1/4 e mostrës (27%) e konsiderojnë të mundur deri shumë të mundshme që Gjermania të sulmohet ushtarakisht brenda pesë viteve të ardhshme.
59% e të anketuarve besojnë gjithashtu se ekziston mundësia që Gjermania të duhet të mbrojë një shtet tjetër anëtar të NATO-s në pesë vitet e ardhshme.
Sondazhi u krye në një kampion prej 1,000 qytetarësh gjermanë nga 28 deri më 29 korrik dhe ka një diferencë gabimi statistikor prej ±3%.
