Një aksident tragjik ka ndodhur në aksin Komotini-Ksanthi në Greqi, ku për fat të keq kanë humbur jetën 3 shqiptarë, dy burra dhe një grua, ndërsa disa të tjerë u plagosën.
Policia grekë po heton shkaqet e aksidentit të rëndë, ndërsa detaje të reja zbulohen po ashtu.
Aksidenti ndodhi mesditën e së hënës (18/08), në kilometrin 537.5 të autostradës Egnatia, kur një kamion u përplas me dy makina të ndalura, të cilat ishin në një radhë prej 600 metrash. Pas përplasjes makinat shpërthyen në zjarr, duke u marrë jetën 3 shqiptarëve.
Sipas ERT-së, pasagjerët e dy makinave kishin udhëtuar nga Epiri në Evros për të marrë pjesë në një dasmë. Aksidenti ndodhi gjatë udhëtimit të tyre të kthimit.
Ata bërtisnin për “ndihmë”, por askush nuk ishte në gjendje t’i çlironte nga makina që po digjej.
Dëshmitarët okularë raportojnë se përplasja ishte aq e fortë sa një nga automjetet u përfshi menjëherë nga flakët.
Thirrjet për ndihmë nga pasagjerët e bllokuar i ngrinë shoferët që kalonin aty pranë, të cilët e gjetën veten të pafuqishëm përballë zjarrit vdekjeprurës.
Kush janë viktimat?
Zbardhen emrat e aksidentit tragjik në autostradën e Ksanthit.
Viktimat janë:
Viktor Bushi, 59 vjeç, banues në Metamorfosi, Athinë.
Klarenc Kacaj i datëlindjes 61, banues në Dhrapecona, Ahinë.
Marianka Bushi Aliraj, datëlindje 57 vjeçe.
Dhe e plagosur ne spital ndodhet Mardalena Kacaj e datëlindjes 49.
Ajo ndodhej në sediljen mbas drejtuesit të automjetit dhe u nxor nga kalimtaret qe iu erdhën në ndihmë.
