Neni 5 i Traktatit të NATO-s është një nga shtyllat kryesore të Aleancës Atlantike, që përcakton se një sulm i armatosur ndaj një vendi anëtar konsiderohet sulm ndaj të gjithëve. Në atë rast, vendet e tjera angazhohen të ndërhyjnë menjëherë për ta ndihmuar, përfshirë edhe përdorimin e forcës së armatosur. Ky nen është zbatuar vetëm një herë në histori, pas sulmeve terroriste të 11 shtatorit 2001 në SHBA, kur trupat e NATO-s u angazhuan në Afganistan.
Së fundmi, çështja e Nenit 5 është rikthyer në qendër të vëmendjes pas propozimit të Kryeministres italiane Giorgia Meloni në Këshillin e jashtëzakonshëm Evropian më 6 mars, që garancitë e tij të zbatohen edhe për Ukrainën. Propozim i njëjtë u përmend edhe në samitin e Anchorage, ku u diskutua mes Donald Trump dhe Vladimir Putin. Kjo lëvizje ngre debatin mbi rolin e NATO-s dhe kufijtë e mbrojtjes kolektive në një kontekst të ri gjeopolitik./TemA
