Krejt papritur si rrufeja në qellin e hapur në Tiranë u shfaq protesta më spektakolare dhe e pabesueshme për mijëra shqiptarë, që kanë plot halle dhe probleme shumë e shumë më të mëdha se ardhja e flamengove dhe pelikanëve kaçurrel.
Në shesh u dyndën djem e vajza, të rinj e të reja , pleq e të vjetra, por edhe të mitur e të mitura, në mbrojtje të zogjëve shtegtarë, sipas organizatorëve, që për mburrje janë të gjithë, por në realitet s’është asnjë, derisa rrinë të fshehur pas kuintave laralara të kësaj proteste.
Koloriti i saj është vërtet ekzemplarë në llojin e vet…! Aty gjenden demokrat saliar me shumicë, ilirista dhe socialista, islamista dhe antisemitista, antiamerikan dhe sharlatan të të gjitha ngjyrave.
Ndaj ky revolucion imagjinar duhet të quhet “Revolucioni Demokomunist” ku si djathtistës edhe majtistët i kanë të gjitha elementët politik të spekterit të tyre në këtë mishmash protestuesish.
Por një gjë është e qartë si drita e diellit… qëllimi: E duam Shqipërin siç na e la Enveri!
Shumica e atyre djemëve dhe vajzave as që e kanë idenë se çfarë la komunizmi, por çuditërisht shpikin idera, sikur vendi është një koopertivë e perbashkët e stërmadhe dhe është i të gjithëve, pa e kuptuar se kjo është vetëm në konceptin e kufinjëve, por jo në atë të pronësisë brënda shtetit.
Ata qeshrak, shumica pretendojnë se janë pronar të pronave të tjerëve, pa e ditur se ku bien ato prona. Shitjet dhe blerjeve të trojeve nga zotëruesit e vërtetë të atyre pronave konsiderohen nga kjo turmë si akti tradhëtie, a thua se për të zhvilluar pronën dhe përfituar ekonomikisht duhet tu merret leje këtyre, të cilët të lindur në kapitalizim në deje u kanë injektuar ndoshta gjenetikisht gjak komunizmi, duke mbrojtur teorinë e pronës së përbashkët …si gjë kur nuk ke asgjë.
Këta delirantë që vetëm rrypin dhe pykën kanë, ndjehen të tradhëtuar, të maskruar, të të papërfaqësuar dhe poshtruar, sepse nuk i kanë vënë në krye të tavolinës së dasmës megjithëse nuk janë familjarët e çiftit por të ftuar .
Broçkullat patriotike se Shqipëria është e shqiptarëve vlejnë vetëm për të kënaqur veten me lugë bosh… sllogan, sepse Shqipëria ka qenë është dhe do mbetet e shqiptarëve, por e atyre shqiptarëve… që e duan e respektojnë dhe duan ta shikojnë ashtu siç po bëhet, anëtare e familjes europiane.
Ahengu do mbaroj shpejt por Shqipëria kur nuk do mbetet ashtu siç e duan këta …siç e ka lënë Enveri.
