Disa ditë më parë, Ermal Mamaqi udhëtoi drejt Francës, ku së bashku me disa nga miqtë e tij ndoqën live koncertin madhështor të divës botërore, Beyonce. Ai publikoi foto e video të ndryshme, të cilat morën menjëherë komente të shumta nga fansat.
Mirëpo, aktori i humorit, Bes Kallaku, nuk e ka lënë rehat Ermalin. Duke ju referuar postimeve të tij, Besi publikoi një foto ku shfaqej krah Rihannës.
“Disa shkojnë deri në Francë për Beyoncen, kurse ca të tjerëve i vjen Rihanna vetë për foto. Katunar përjetë.”- shkroi Besi.
Ermali i është përgjigjur postimit të Besit me një foto që ka habitur fansat. Moderatori shfaqej krah divës botërore, Beyonces dhe krahas fotos kishte shkruar:
“Mbrëmë hëngrëm një darkë sa me ja dhi Bes Kallakut.”
