Me largimin e Luka Jovic, fanella me numrin 9 e Milanit ka mbetur pa zot për herë të parë në mbi një shekull. Dikur simbol i bomberëve legjendarë si Nordahl, Altafini, Sormani e Van Basten, sot është kthyer më shumë në barrë sesa privilegj. Pas epokës së Pippo Inzaghit, vetëm Olivier Giroud ka ditur t’i japë shkëlqim, duke qenë protagonisti i titullit kampion.
Në vitin 1995, me numrat fiks, George Weah e bëri “9” të ndritshme me golat që i sollën edhe “Topin e Artë”. Nga sezoni 2012-2013, pas Pato, nisi mallkimi. Matri, Torres, Destro, Luiz Adriano, Lapadula, André Silva, Higuain, Piatek, Mandzukic dhe Jovic dështuan ta mbajnë si duhet.
Sot askush nuk e guxon ta marrë. Nkunku zgjodhi 18, Gimenez mbeti te 7-ta, ndërsa Leao, që nga 2023-2024, mban numrin 10. Një numër legjendar, që sot ka mbetur pa trashëgimtar te Milani.
