Sot ne duhet të marrim vendim politik për t’i hapur rrugë zgjedhjeve për një kryetar bashkie të ri në Tiranë. Përfaqësuesit tanë në këshillin bashkiak duhet të vënë në punë mekanizmin e shkarkimit të kryetarit të zgjedhur. Nuk është një propozim që unë e bëj me zemër të lehtë, prandaj i kuptoj të gjithë ata që mund të mos ndihen mirë nga një vendim i tillë”,- tha Rama.
Bashkë me vendimin për të çuar bashkinë më të madhe në vend në zgjedhje të parakohshme, kritikat për drejtësinë nxitur nga rasti “Veliaj”, megjithatë nuk i ndali.
“I kanë nxjerrë edhe biseda me familjarët nga telefoni i burgut. Kjo nuk ndodh në asnjë vend demokratik. Diktatorial, jo e jo. Është shkelja më e hapur dhe më flagrante në shpërdorim të detyrës, nga ana e tyre që duhet të mbajë nën kontroll hetimet”, tha Rama.
Anëtarëve të Asamblesë, por dhe qytetarëve që tha se mund të mund të preken nga ky vendim, Rama i pohoi: “S’është propozim që e bëj me zemër të lehtë, por Tirana s’mund të gdhihet e ngryset si trup pa kokë.”
Ndërsa adresoi kritika në drejtim të drejtësisë, për të cilën thotë se po cakton në pazar fatin e të hetuarve, shefi i qeverisë tha se asesi nuk do të nxjerrin artilerinë kundër SPAK dhe çdo ndryshim në legjislacionin e drejtësisë do bëhet vetëm vulën nga KE.
“Pjesë e jona është ta mbështesim përmirësimin e sistemit të drejtësisë me ligje të reja, por ka edhe një por tjetër, sepse asnjë ndryshim në legjislacionin e drejtësisë, sado i nevojshëm të duket këtu për ne, nuk ka për të ndodhur me votat tona pa marrë dritën jeshile nga KE”, tha Rama.
Akuzat i kishte drejtëpërdrejtë për SPAK dhe GJKKO, kur tha se Gjykata e Posaçme nuk po del dot nga hija e SPAK. Por Rama tha se nuk do të tërhiqen nga mbështetja për drejtësinë dhe asesi nuk do të nxjerrin artilerinë kundër saj.
“Nuk ka përjashtim as SPAK-u, krenaria e vetme e reformës në drejtësi, as Gjykata Speciale që nuk po del nga hija e SPAK-ut. Edhe këto institucione kanë na dhënë arsye dhe për t’u habitur dhe shqetësuar shumë seriozisht, mosrespektimi i prezumimit të pafajësisë, intimidimi i personave në liri, nxjerrja e të dhënave hetimore rrugëve për paracaktruar në pazare fatin e personave të hetuar”,- tha Rama ndër të tjera.
