Në Dhomat e Specializuara në Hagë, nisi sot procesi gjyqësor ndaj ish-krerëve të Ushtrisë Çlirimtare të Kosovës, ku palët mbrojtëse do të paraqesin dëshmitarët e tyre. I pari që dëshmoi ishte James Rubin, ish-zyrtar i lartë amerikan dhe njohës i zhvillimeve në Kosovë gjatë periudhës së luftës.
Lidhur me këtë ish- komandanti i UÇK Nasim Haradinaj në një lidhje skype për emisionin ‘5 pyetjet nga Babaramo’ tha se Rubin shkatërroi akuzat në Hagë kundër Hashim Thaçit.
‘Po e ndoqa, më la përshtypjen e një diplomati të zot dhe e shkatërroj dëshminë e prokurorisë dhe thashethemet e njerëzve në Kosovë që lirinë e duan dhe atyre që e sollën lirinë nuk e duan. Ne ishim një strukturë vullnetare ishte në vullnetin tonë, ne kemi pasur ushtarë që kush ka dashur ka dal prej frontit të luftës, pa përgjegjësi dhe ka luftuar pa përgjegjësi dhe jemi munduar që të bëjmë propagandën e luftës sepse duhet, kishim popull brenda nesh që se vlerësonin që mund të çlironim vendin dhe për ta’, tha ai.
Ish- zv.kryeministri i Kosovës Haki Abazi u ndal tek ndërprerja e dialogur trategjik, për të cilën tha se erdhi si rezultatë i veprimeve të mëparshme nga qeveria e Kosovës.
‘Është një histori e raporteve e analizuar mirë. Në qeverinë Kurti 1 dhe në Kurti 2 marrëdhëniet ndërmjet Kosovës dhe botës perëndimore nuk ishin të mira. Ndërprerja e dialogu strategjik është pasoja e veprimeve paraprake që u parapriu vendimit të dialogut strategjik. Dialogu ishte në fillimet e veta, por unë mendoj se marrëdhëniet mes Kosovës dhe SHBA janë jetike’, tha ai.
Politolog Ilir Alia tha se nëse Kosova nuk do të kishte pasur mbështetjen e SHBA dhe BE mund të ishte në pushtimin serb.
‘Sot kemi një Kosovë të izoluar nga BE dhe që ka fituar lirinë sepse është bijë e SHBA dhe e BE. Lufta e UÇK po të mos ishin këto Kosova do ishte ende në thundrën serbe. Dhe këto që e krijuan i dhanë lirinë e kanë mbështetur në çdo gjë të saj’, tha ai.
