Xhelal Mziu thotë se tritolin tek shtëpia, ia ka vënë Edi Rama.
Sipas tij, kryeministri ose i josh kundërshtarët e tij, ose iu vë tritolin.
“Absolutisht terreni që ne sot kemi, ku qeveria është bërë një me krimin, i impulsion ato dhe ju krijon terrenin e nevojshëm duke i ndarë kush janë armiqtë e qeverisë dhe në këtë kontekst absolutisht unë e konsideroj një dorë të pastër të qeverisë që e ka përdorur këtë për të na trembur e joshur, për të na bërë që të mos merremi me qeverinë.
Ajo se çfarë ndodhi me mua e quaj fiks se si kjo qeveri po sillet në raport me opozitën dhe i duhej për të bërë edhe një veprim të tillë.
E kam vrarë mendjen gjithë këto ditë por nuk po gjej asnjë argument qoftë edhe konflikti që unë mund të kem patur qoftë edhe verbal me asnjë person, është përdorur ky instrument për të presionuar opozitën siç bëjnë veprime të tilla ndaj ndonjë biznesi për t’ju dhënë shembull të tjerëve apo rrëshqitje në një vend tjetër pavarësisht se objekti është me leje.
Kjo absolutisht është sjellje e bablokut, ose atij që është vetëm një person dhe përfaqëson çdo zë e çdo institucion.
Unë nuk kam asnjë konflikt, edhe kur iki në Dibër, edhe në Tiranë, nuk kam asnjë bodigard, lëviz si ditën si natën, në të gjithë Shqipërinë e në çdo njësi vendore të qarkut Dibër, dhe nëse do kisha pasur konflikt do e kisha pasur një shoqërues.
Kështu që unë realisht nuk kam asnjë konflikt me asnjë person e nuk kam asnjë argument për të thënë se kjo erdhi nga ky konflikt apo një tjetër”, tha ai.
