Erion Veliaj është shkarkuar si kryebashkiak i Tiranës në Këshillin Bashkiak.
Këshilltarët e majtë dhe të djathtë janë bërë bashkë dhe kanë votuar për të shkarkuar Veliajn.
Në këtë mbledhje nuk kanë votuar Fabjan Topollari, Alfred Muharremi dhe Aldo Merkoçi, si dhe Gaz Paja dhe Joleza Koka, që nuk ishin në mbledhje.
Votimi për shkarkimin e Veliajt u bë pas kërkesës së këshilltarëve socialistë.
Tashmë i takon Këshillit të Ministrave që të miratojë vendimin për shkarkimin e Erion Veliajt nga posti i kryetarit të Bashkisë Tiranë.
Pavarësisht shkarkimit, sipas nenit 115 të Kushtetutës, Veliajt i jepet e drejta të ankimojë shkarkimin në Gjykatën Kushtetuese brenda 15 ditësh. Në këtë rast, vendimi i qeverisë pezullohet deri në shqyrtimin nga Gjykata.
