Avokati Indrit Sefa thotë se shkresa që Këshilli Bashkiak i dërgoi sot kryebashkiakut Veliaj, nuk ka asnjë bazë ligjore.
Sipas Sefës, moslejimi i Veliajt në mbledhjen e nesërme do ia më të lehtë fitoren në Kushtetuese.
“Po të lexoni shkresën aty nuk ka asnjë bazë ligjore. Nuk ka asnjë.
Kemi precedent në republikë kur Gjykata Kushtetuese ka konstatuar që shkarkimi i Zef Hilës si kryetar i Vaut të Dejës është antikushtetues, është shkarkim i bëtë nga Këshilli i Ministrave në 2019.
Një nga konstatimet si antikushtetuese të saj vendimmarrje të Këshillit të Ministrave ishte fakti që Hilës nuk i është dhënë mundësia për t’u dëgjuar.
Ky është precedent i ezauruar. Në rastet që kemi shkarkim të një kryetari bashkie duhet të jetë prezent në seancën e shkarkimit.
Ky mekanizëm do e bëjë më të lehtë fitoren e Veliaj në Kushtetuese.
Duhej futur në rend dite kërkesa e PD-së se ajo është e para. Mund ta rrëzonte PS-ja atë, por ta kalonte në seancë.
Këta me këtë mekanizëm ose duan ta ndihmojnë vetë Veliaj në Gjykatën kushtetuese. Këshilltarët edhe përgjigjen nuk e shkruajnë vetë. Ose po kërkojnë ta ndihmojë Veliajn ose e kanë marrë aq shumë inat sa duan ta shkarkojnë vetë me çdo formë. Unë jam me këtë të dytën. E drejta kushtetuese e Veliaj është për t’u dëgjuar”, tha ai.
