Ernest Muçi ka shënuar gol spektakolar me Trabzonspor në Turqi. 24-vjeçari realizoi pikërisht golin e tretë të sfidës për ekipin e tij, që përmbysi rezultatin ndaj Koniaspor.
Fantazisti i Kombëtares ia doli nga goditja e dënimit në minutën e 56-të, ndërsa dukej si kënd i pamundur për të tentuar portën. Muçi nuk zhgënjeu me guximin e tij duke dërguar tifozët në festë për rezultatin 3 me 1.
Për Muçin po mbyllet një javë fantastike, pasi të hënën realizoi dopietë golash ndaj Basakshehir. Kështu u kthye në faktor për Trabzonspor, që siguroi fitoren.
Brenda një jave janë tre gola për ish-lojtarin e Tiranës, që më parë kishte pasur pak hapësira. Muçi qëndron i huazuar te Trabzonspori, që gëzon të drejtën e blerjes së kartonit nga Beshiktashi.
