Në trurin gumëzhin vetëm leku
Presidenti Meta e vulosi me “JO” vendimin e tij për Teatrin duke detyruar parlamentin të rimblidhet edhe njëherë e t’i dërgojnë “kopjen” e dytë të rivotuar, duke e ditur që nuk ka fuqi për ta bllokuar, por vetëm për ta vonuar edhe për aq kohë, sa depuetët të kthehen nga pushimet.
Mendimi refuzues i Ilir Metës, po komentohet shumë në rrjetet sociale, duke e interpetuar me lloj-lloj këndvështrimesh, ku më të shumtit lidhen me pozicionin e tij si kryetar i një partie në fishkje, që është shtrirë në “krevatin” e PD për të mos shkuar në “landfill” si mbetje e pariciklueshme.
Nuk mendojmë, se arsyet e “Baba Likes”, për kthimin e Projekt-Ligjit për Teatrin, janë teknike, ligjore, partiake apo nga “dashuria e madhe që ai ka për artin”, por është një “logjikë” tjetër që këtij pazarxhiu ia njohin të gjithë, e cila lidhet vetëm me ekonominë dhe i vërtitet çdo sekondë të ditës, në mendje, aq sa edhe diellin e quan rrotë floriri.
Një gjë duhet ta kemi parasysh në këtë rast: Nëse godina e Teatrit, do të ishte mal ose kodër për grurore, Ilir Meta jo vetëm do ta kishte dekretuar brenda sekondës e nuk do pyeste as për aleanca partiake e as për moral, por do ta rrafshonte edhe pa ligj fare, mirëpo Teatri nuk është as mal e as mall, që ai mund ta gëlltisë dhe me këtë rast hiqet edhe si idhtar e dashamirës arti edhe si aleat besnik i Saliut…/Pamfleti
