Sapo mazhoranca votoi në Kuvend amnistinë penale, Arben Kola, një nga nismëtarët e protestës për Zvërnecin, udhëhoqi grupin e vogël të qytetarëve të mbledhur në sheshin “Skënderbej”, drejt Parlamentit.
Në fakt, në Kuvend, nuk ishte asnjë nga deputetët e Partisë Demokratike të cilët siç Sali Berisha i orientoi bojkotuan votimin e amnistisë penale.
Ashtu si Berisha, kundër amnistisë u shfaq edhe udhëheqësi i protestës së flamingove.
Nuk dihet nëse kjo lëvizje për të shkuar në Kuvend për një votim të kundërshtuar nga PD dhe vetëm me deputetët e PS brenda, ishte e koordinuar mes të gjithë organizatorëve të protestës, apo ishte një zgjedhje e Arben Kolës, të riut nga Kukësi që ka deklaruar se rrjedh nga familje demokratësh, por se vetë është i pavarur.
Por ajo që u pa, është se kur orari i protestës kishte trokitur, një pjesë tjetër e qytetarëve, ishin mbledhur para kryeministrisë, duke mos u bërë pjesë e grupit që Arben Kola dirigjoi te Parlamenti.
Qëndrimi i shkurtër para godinës së Kuvendit, shënoi edhe një incident ndaj deputetit socialist Ardit Bido, i cili duke dalë nga seanca plenare, u vu përballë sulmit të turmës së protestuesve.
U desh ndërhyrja e forcave të policisë për ta nxjerrë nga mesi i qytetarëve që e etiketonin hajdut, e tentuan ta sulmojnë në një moment edhe fizikisht gjë që do krijonte një probvlem të madh jo vetëm për autorët idiot por edhe për sharlatanët si protestues.
Marshimi më tej drejt kryeministrisë, u ndal për pak, para selisë blu. Nuk vonoi, dhe sulmi këtë radhë iu kthye protestuesve. Njerëz pranë Partisë Demokratike të shqetësuar nga thirrja “Berisha në burg”, tentuan deri në përplasje me marshuesit të cilët e harruan trimnërinë me deputetin e vetëm Bido dhe u larguan si pula të lagura në heshtje.
