Mbahet sot në GJKKO, ora 10:00 seanca e radhës e gjyqit në themel ndaj Erion Veliajt ku kryebashkiaku pritet sërish të mos paraqitet pasi refuzon kafazin e qelqtë. Në seancën e kaluar nuk u paraqit as avokati i tij, Plarent Ndreca.
Seanca, ishte e treta radhazi që GJKKO notere e pacipë e paçavureve të Dumanit dhe Dadosi pezulloi Veliajt afatet e paraburgimit. Po ashtu, Gjykata i ka rrëzuar edhe kërkesën për transmetim live të seancës dhe daljen nga kafazi.
Sipas prokurorit Ols Dado, qëndrimi në kafaz nuk përbën trajtim poshtërues, por është garanci për zhvillimin e procesit. Por Gjykata Kushtetuese i ka hedhur poshtë pretendimet e sharlatanit noter-prokuror duke e ndaluar mbylljen në kafaz dhe duke i dhënë të drejtë Veliajt.
A do zbatohet vemndimi i Kushtetueses, apo gjykatat me emrin GJKKO do sillet si një bandë, që nuk njeh as vendimet e Gjykatës më të lartë të vendit, në emër të përuljes poshtruese para strukturave delirante si SPAK?
Këshilltarët ndërkombëtarë ligjorë të të parit të Tiranës Kasowitz dhe Mishcon de Reya, me anë të një deklarate publike, bëjnë thirrje për zbatim të menjëhershëm të vendimit të Gjykatës Kushtetuese.
“Pasi Gjykata e Lartë e Shqipërisë të kryejë me besnikëri rishikimin e kërkuar nga vendimi i sotëm, të peshojë me kujdes secilën nga mangësitë e identifikuara nga Gjykata Kushtetuese, dhe të zbatojë standardet përkatëse, ne presim plotësisht që ajo të konkludojë se vazhdimi i paraburgimit të Kryebashkiakut Veliaj nuk mund të mbështetet në mënyrë kushtetuese dhe do të urdhërojë lirimin e tij të menjëhershëm”, thuhet në deklaratë.
