Në qendër të kritikave është mesfushori argjentinas Leandro Paredes. Ish-lojtari i Romës, i cili ishte ndëshkuar me karton të verdhë gjatë ndeshjes, u përjashtua me karton të kuq pas një përplasjeje të ashpër me Gavin gjatë festimeve të futbollistëve spanjollë.
Në fokus të hetimit mund të jetë edhe Nahuel Molina, i akuzuar se goditi Rodrin në momentin kur kapiteni i Spanjës po vraponte drejt shokëve të skuadrës për të festuar suksesin.
Pas këtij episodi, në fushë u krijua një përleshje ku u përfshinë futbollistë të të dyja ekipeve, por edhe anëtarë të stafeve teknike. Sipas raportimeve, ish-mbrojtësi i njohur argjentinas Roberto Ayala, aktualisht pjesë e stafit të trajnerit Lionel Scaloni, dyshohet se ka goditur me grusht Dani Olmon gjatë kaosit.
Edhe pse FIFA nuk ka konfirmuar zyrtarisht nisjen e procedurave disiplinore, mediat ndërkombëtare raportojnë se organi qeverisës i futbollit botëror dëshiron të sqarojë plotësisht ngjarjen. Nëse hetimi zyrtarizohet, pritet që në ditët në vijim të merren masa disiplinore ndaj personave që do të rezultojnë përgjegjës për incidentet pas finales.
