Pas një shpërthimi të fuqishëm që ndodhi në zonën e Bathores në Tiranë, si pasojë e një sasie eksplozivi që ishte vendosur në banesën e të dënuarit për vrasje Gazmir Daci, burimet nga policia bëjnë me dije, se kanë ndaluar personin e dyshuar për ngjarjen. Ai është Vilson Brahaj, 23-vjeç.
Fatmirësisht në atë ngjarje nuk pati persona të lënduar ndërkohë babai i Gazmirit akuzonte Saimir Kolaverin për vendosjen e tritolit, me familjen e të cilit Daci ka hasmëri. Policia bën me dije zyrtarisht është pikërisht ky personi që shihet në pamjet e kameras së sigurisë teksa vendos tritolin dhe largohet me vrap.
Nga tërësia e veprimeve të kryera dyshohet, se ky shtetas kundrejt pagesës, ka vendosur sasinë prej 500 gramë lëndë plasëse në banesën e shtetasit XH.D. Autori i dyshuar pas kryerjes së krimit ka hedhur në lumë tek “Ura e Tapizës” rrobat e përdorura gjatë kryerjes së krimit, ndërsa automjetin e kishte fshehur në një bodrum afër “Urës së Tapizës”.
Gazmir Daci ka vrarë Dy vite më parë Valmir Kolaverin dhe ka plagosur vëllain e tij Robert Kolaveri, i cili ka mbetur i paralizuar. Ndërkohë, vëllai i tyre, Ergys Kolaveri është dënuar për një atentat të dështuar ndaj Gazmir Dacit. Ai u qëllua me snajper në burgun e Vaqarrit, por plumbi preku një tjetër person.
Gjatë operacionit “Pagesa”, policia sekuestroi automjetin me të cilin autori ka lëvizur dhe ka transportuar lëndën shpërthyese. Autori i dyshuar, pas kryerjes së krimit ka hedhur në lumë tek “Ura e Tapizës” rrobat e përdorura gjatë kryerjes së krimit, ndërsa automjetin e kishte fshehur në një bodrum afër “Urës së Tapizës”.
