Nga Ylli Pata
Nëse për protestat e flamingove të mos flitet në mediat ndërkombtëtare, ato nuk e marrin vëmendjen e debatit publik. Përveç nëse ndonjë segment i protestës nuk bën bujë me ndonjë kërcënim për tu bërë nami në ditën e radhës.
Kjo ka arsye dhe nuk ka nevojë për ndonjë analizë të posaçme. Protestat nuk e kanë arritur të krijojnë protagonizmin dhe të drejtojnë debatin politik, edhe pse janë e vazhdojnë të jenë në plan të parë mediatikisht.
Edi Rama, e mazhoranca është kthyer në një përkrahës i fortë i flamingove, duke e venë kontekstin e kësaj proteste në një program politik të qeverisë së tij. Ndërkohë opozita kryesore dhe ajo e vogël ka vijuar të mëshojë kontestimin ndaj mazhorancës, sidomos në logjikën e hetimeve të SPAK.
Flamingot, në realitet nuk ishin një lëvizje, megjithatë u konsiderua apo u soll nga mediat ndërkombëtare si një revolucion politik.
Një revolucion i cili ishte vetëm një narrativë e axhendës anti-Trunp, paso e gjithë protesta nuk ka lidhje me një revolucion. i cili sjell në shoqëri një erë të fortë ndryshimi e përmbysje jo vetëm në aspektin e elitës politike, por edhe mënyrën e funksionimit të shoqërisë.
Revolucionet e 1968 apo të viteve 1974 sollën në Europë një koncept politik e shoqëror që shkundi të gjithë Europën nga aborti, e drejta e divorcit, të drejtat e tjera civile, referendumet, debate social që hapën, si dhe mënyra e ndryshme e të të bërit politikë, duke future referendumet si koncept parallel me zgjedhjet, e peticionet vendore si një instrument për çështjet e mjedisit, arsimit, shëndetësisë apo shtetit social.
Flamingot nuk janë aspak një revolucion social apo politik, pasi deri tani nuk e kanë shkundur shoqërinë me atë që atë kërkojnë në këtë shoqërinë. Shkundja më e madhe ka qenë për një problem që kanë mes tyre si protestues. Flamingot, nuk janë një revolucion pasi e braktisën kauzën e Zvërnecit, për të marrë një përfitim pragmatic, kur u pa që çështja nuk mori një pëqlim të përgjithshëm. Nga ana tjetër, flamingot nuk janë një lëvizje politike, pasi deri tani nuk janë kujdesur për ta krijuar një të tillë.
E cila do të shtronte rrugën edhe për një revolucion të elitës politike.
Protestat megjithatë kanë dhënë shkundje në opinion, por çështja është te produkti i tyre, i cili më shumë u dëmtua nga një logjikë dritëshkurtër për të pasur një efekt të shpejtë, që po ra Edi Rama pastaj shohim e bëmë. Kjo logjikë edhe pse mund të ketë një logjikë, në fund do të sillte sërish problemin e vizionit e fytyres. Ndaj dhe mazhoranca i kujton protestuesit se flamingot kanë ikur me kohë, duke i vizatuar pjesëmarrësit si pjesë e opozitës zyrtare. Që në fakt nuk është tamam kështu, por deri tani, bashkimi më i rëndësishëm i flamingove ka qenë pakti i madh ndërmjet Sali Lushës dhe Dritan Goxhajt….
titulli i autorit: Flamingot çfarë janë sot… lëvizje apo revolucion?