Presidenti i Republikës Ilir Meta po shijon pushimet verore në zonën veriore të vendit, pikërisht në Alpet e Shqipërisë, teksa në marshimin e sotëm 10 kilometra nga Boga në Shkrel dhe anasje;lltas, atë e shoqëroi dhe kampioni i peshëngritjes, Erkand Qerimaj. Dy peshëngritës së bashku në një udhëtim malor për të shiojuar bukuritë e Bjeshkëve.
Meta, i cili është bërë “kockë e lëkurë” nga dietat e forta, këtë herë mori “më qafë” dhe Erkand Qerimajn. Nuk mund të lëmë këtu pa kujtuar se ishin pikërisht njerëzit e Metës në federatën e shtangës që e stresuan jo pak Qerimajn kohë më parë, ndërsa ndezën dhe një debat të egër për dopingun pas Kampionatit Botëror të SHBA që u zhvillua në fund të vitit të kaluar. Më pas erdhën zgjedhjet dhe njerëzit e Metës përfunduan si “qen të lagur”.
Megjithatë, është fakt që meta është i lidhur me shtangën dhe ndoshta afrimi me Qerimajn duhet parë si një sinjal i ri për t’u rikthyer në sportin e peshëngritjes me “metodat e tij”. sa i takon natyrës ku u bë shëtitja, nuk ka nevojë për koment, pasi zona e Bogës dhe Alpet në tërësi janë ndër bukuritë e rralla të Shqipërisë.
“Së bashku me kampionin e peshëngritjes, Erkand Qerimaj përshkruam sot me ecje për rreth 2 orë në Bjeshkët e Rugovës, rrugën mahnitëse nga Boga në Shkrel e kthim në Bogë. Natyra fantastike e kësaj treve përrallore të legjendave, zanave, miteve e heronjve të kombit, na e lehtësoi sfidën e vështirë.”, shkruan Meta në profiling e tij në facebook. /Pamfleti Sport
