Platforma e Bashkëqeverisjes “shqipëriaqëduam.al”, vijon t’u japë zgjidhje shqetësimeve të qytetarëve.
Një ankesë e ardhur në portal nga një qytetar i Mirditës ka marrë zgjidhje të menjëhershme. Problemi, që tashmë u zgjidh, kishte të bënte me mungesën e energjisë elektrike në ambulancën e fshatit Domgjon.
Rama theksoi gjithashtu se veç zgjidhjes së ankesave, instancat përgjegjëse marrin masa për shkaqet e degradimit. Ai bëri me dije se ka shkarkuar menjëherë Drjtorin e qendrës shëndetësore në Domgjon.
Në prononcimin e tij gjatë vizitës në këtë ambulancë, kryeministri Rama u shpreh ndër të tjera se nga ky shqetësim u arrit që të bëhej lidhja e energjisë në mbi 30 ambulanca të Mirditës po ashtu edhe në qindra të tjera në të gjithë vendin.
Kemi akoma punë për të bërë që shteti të funksionojë në shërbim të qytetarëve. Ky rast ishte shembulli se platofrma e bashkëqeverisjes po funksionon.
Kryeministri tha se një drejtor dhe 35 punonjës hipotekash janë shkarkuar si pasojë e ankesave të ardhura në platformën e Bashkëqeverisjes me qytetarët.
Pra, platforma e bashkëqeverisjes po shkarkon edhe drejtorë të papërgjegjshëm, jo vetëm specialistë.
Postimi i plotë i kryeministrit:
“Mjaftoi ankesa e një qytetari në Platformën e Bashkëqeverisjes shqiperiaqeduam.al, që jo vetëm të bëhej lidhja me energjinë në ambulancën e largët të fshatit Domgjon, po që edhe të zbulohej një fenomen shumëvjeçar i qendrave shëndetësore të palidhura kurrë më energjinë në zona të ndryshme rurale…
Duhen vetëm 3 minuta për të angazhuar direkt qeverinë për një ankesë personale apo lidhur me komunitetin dhe në vetëm 10 ditë vjen përgjigjja zyrtare”. /Lexo.al/
