Që nga rikthimi i saj në Shqipëri, Elvana duket sikur e ka nisur aty ku e kishte lënë, me koncerte dhe këngë në stilin e saj të vjetër, pasi me këngët anglisht nuk pati edhe aq shumë sukses.
Gjatë këtyre ditëve Elvana Gjata është zhvendosur në Kosovë, ku po mban koncerte thuajse në të gjitha qytetet, ku së fundmi ishte në Pejë.
Por, gjatë koncertit është filmuar një video ku stafi i sigurisë qëllon në grushte një prej fansave të pranishëm në klub.
Nuk dihet saktësisht se çfarë ka bërë fansi ndaj të cilit është reaguar në këtë mënyrë të dhunshme, por videoja e shpërndarë nga përdoruesit e rrjeteve sociale ka marrë shumë komente.
