Një 36-vjeçar shqiptar është gjendur i vdekur në një rrugë të Greqisë. Shqiptari është gjetur i vrarë në zonën e Kypselit, Athinë dy ditë më parë poshtë pallatit ku banonte.
Sipas policisë greke, viktima është identifikuar si Nesti Prifti, i cili mendohet të jetë vrarë për larje hesapesh mes grupeve rivale.
Policia greke ka mbledhur filmimet e kamerave të sigurisë për të identifikuar autorin.
Ndërkohë mediat greke kanë bërë të ditura detaje të tjera për shqiptarin, i cili pritej në shtëpi nga gruaja shtatzënë dhe fëmija i mitur. Në momentin që ka marrë vesh lajmin gruaja ka pësuar shok.
