Ditën e “Kurban Bajramit”, gjithë krye-mëkatarët e politikës shqiptare, uruan nga “Facebook”-u, “ushtrinë 1 milionëshe të të varfërve të Shqipërisë, ndërkohë që disa prej tyre me “depo miliardash” e inventar të madh pasurie si Monika, guxuan e mbajtën fjalime dhimbjeje për të varfërit, ndërkohë që bejlerët e bashkive, mblodhën nga 20-30 njerëz të uritur dhe i ulën para pjatave të supës, duke shërbyer vetë si kamarierë.
Modeli i kësaj hipokrizie komike, që pushtetarët pasanikë e bëjnë në çdo date “Kurban Bajrami”, ishte kryebashkiaku Erjon Veliaj, i cili, sipas një “supaxhiu” që u përdor si “i varfër” ngaqë ka vajzën me punë në bashki dhe ishte çuar me porosi atje, shfaqi spektaklin e radhës, me “bamirësinë” ndaj të varfërve, duke mbushur tavolinat me punonjës pastrimi dhe të afërm të punëtorëve të administratës e të firmës “Fusha”.
E ndërsa kreybashkiaku i Tiranës e ka gjetur marifetin për të realizuar drekën e supës së bamirësisë së “Kurban Bajramit”, sipas informacionit që ka adhur në “PAMFLETI”, fukarenjtë në 32 bashki kanë refuzuar drekat e supës denigruese, duke u përcjell batakçinjëve të pushtetit lokal e qendror, këtë mesazh: ““Duam ushqim përditë e jo 1 pjatë në vit, krijoni vende pune e jo tavolina supe kur ka festa fetare, për të larë mëkatet tuaja”.
Faktikisht, varfëria në Shqipëri ka pllakosur keqas e në mënyrë masive, jo vetëm nga papunësia, por edhe nga taksat e sidomos, nga korrupsioni në zyrat e shtetit, si në arsim, shëndetësi, bashki, prefektura, polici, komisione pronash, hipoteka, inspektorate, tatime e dogana, ku qytetarët detyrohen të lënë pagat e pensinet lëmoshë, për të paguaar nën dorë edhe për të marrë një vërtetim për datëlindjen dhe emrin e tyre.
Për të matur dhe parë varfërinë reale shqiptare me sy e jo me reportazhe të porositura italiane, franzeze e holandeze, mjafton të të bëhet ky test i thjeshtë: Sikur sheshi “Skenderbej”, të kthehet në mencë supe popullore, mbi kazanët e supës dhe arkat e bukës, do të do vërshojë uria masive, mbasi sipas një studimi të bërë nga vetë qeveria shqiptare në muajin maj 2018, me financim dhe urdhër të Organizatës Botërore të Ushqimit (OBU) e që mbahet sekret po nga qeveria, rezulton se niveli i varfërisë në Shqipëri, ka nevojë për 400 menca supe, nga të cilat 70 në Tiranë, 40 në Durrës, 30 në Shkodër, 40 në Vlorë, 30 në Berat, 30 në Fier e në bashkitë e tjera, si Ballshi, Dibra, Korça, Puka, Burreli, Elbasani, Bulqiza, Gjirokastra, Selencia, Patosi…/Pamfleti
