Beteja e vetingut hvendoset në Kolegjin e Pavarur të Apelimit ose KPA
ONM ka bërë kërkesë për apelimin e 5 emrave, ku dy më kryesorët janë kreu i Gjykatës Kushtetuese Bashkim Dedja dhe ai i Gjykatës së Lartë, Xhezair Zaganjori.
Ndërkohë, vetë komisionerët kanë kundërshtuar vendimet për 7 emra të tjerë.
Por emri i cili kam mbetur pezull është ai i Xhezair Zaganjorit. Kreu i Gjykatë së Lartë rezultoi me shumë probleme në pasuri, ku madje u tha se ka bërë dhe evazion fiskal. Por krejt papritur komisionerët vendosën konfirmimin e tij në detyrë. Një gjë e tillë u cilësua e gabuar nga ana e Operacionit Ndërkombëtar të Monitorimit, të cilët i kërkuan Komisionerit Publik që çështja të apelohet.
Edhe pse ka kaluar rreth një muaj nga kjo kërkesë nuk është bërë asgjë nga ana e Komisionerit. Gazeta ka mësuar se arsyeja që nuk ka asnjë vendim nga ana e Komisionerit Publik, është se KPK nuk ka zbardhur ende vendimin. Sipas ligjit, KPK duhet ta zbardhë vendimin 30 ditë pas njoftimit të tij, pra që në rastin në fjalë i bie data 24 gusht.
Por edhe pse kanë kaluar 9 ditë nga afati i fundit i zbardhjes së vendimit, KPK akoma nuk po publikon vendimin me argumentet në lidhje me seancën e kreut të Gjykatës së Lartë, Xhezair Zaganjorin. Javën e parë, KPK publikoi në faqen zyrtare në internet një sërë vendimesh, por ai i Zaganjorit mungonte dhe pse seanca ndaj tij u zhvillua më përpara se ajo e disa subjekteve që u konfirmuan në detyrë pas tij.
Dje pritej zbardhja e tij, por sërish nuk ndodhi një gjë e tillë, pasi u zbardh vetëm vendimi për Ardjan Dvoranin. Sinjalet janë se ndërhyrjet politike dhe presionet për rastin e Zaganjorit janë rritur ndjeshëm. Për konfirmimin e tij në detyrë pati sinjale se ndërhyri një pushtetar i lartë.
Tani që ndërkombëtarët kërkojnë largimin, palët po mundohen ta shtyjnë çështjen sa më shumë, me shpresën se opozita do e rrëzojë reformën.
Veprimet e KPK janë të dyshimta.
