Ditën e sotme u njoftua, se qytetarët kuksian do të protestonin në traun e “Rrugës së Kombit”, kundër tarifës 100 lekë të vendosur nga koncesionari për këtë rrugë, për të cilën opozita garantoi një protestë madhështore kundër traut, që ndan Shqipërinë me Kosovën.
Qytetarët e Kukësit, të cilët muaj më parë e fituan betejën e tyre, sot zgjodhën të “braktisin” me qytetari, duke i kthyer “reston” betejës për pushtet të opozitës, e cila poshtërsisht tentoi t’i përdorte ata.
Nëse nuk keni parë deri më tani asnjë pamje të protestës në Kukës, është sepse atje, përveç një kontigjenti pranë opozitës, nën emra fiktiv OJQ dhe deputet pranë PD, kishte më shumë gazetarë dhe operatorë të medias… se sa protestues.
Qytetarët kuksian i dhanë një mësim të mirë babëzisë për pushtet dhe individëve që kanë punuar gjithmonë kundra interesave të tyre, duke i çuar një mesazh të qartë sharlatanëve në politikë dhe jashtë saj, se nuk mund t’i tërheq askush prej hunde… jo më një grup hajdutësh, që deri më sot, e kishin kthyer në gëzim, për përfitim politik, hallin e tyre.
Kuksianët e kanë fituar betejën e tyre muaj më parë, kur opozita i braktisi dhe pastaj kërkoi t’i vidhte kauzën. Ndërsa sot, jo për hakmarrje por për qytetari, na treguan të gjithëve, se betejat e tyre janë të vërteta dhe nuk bëhen për të gostisur “oreksin” e një bandë hajdutësh, por për familjet dhe të ardhmen e fëmijëve të tyre, demokracisë dhe tonën gjithashtu./Ekskluzive.al
