Cristiano Ronaldo u largua mes lotëve kur mori kartonin e kuq të mërkurën në ndeshjen e “Chempions League” kundër Valencia-s. Portugezi i Juventusit humbi në këtë mënyrë mundësinë për të shënuar dy golat me 11-metërsh, por sipas mediave serbe ky ishte një episod i stisur nga Ronaldo, i ndikuar nga mafia shqiptare.
Portali serb “Alo” shkruan se e gjitha është një komplot i organizuar nga mafia e vendit tonë. “Ronaldo është viktimë e keqbërsëve shqiptar,”-nis artikulli.
Shkrimi në portalet serbe
“Në kthetrat e turmës shqiptare. Nëse vjedhja ndaj Serbisë në Botëror kaloi pa u vënë re nga FIFA, gjermani Feliks Brysh vështirë se do t’i shpëtojë përjashtimit tani. Gjithsesi është më mirë se fati që do të kishte pësuar nëse to të refuzonte të nxirrte me karton të kuq Ronaldon. Ndonëse disa media shkruajnë se Brysh dëmtoi Serbinë pasi ishte paguar nga mafia shqiptare, ai mori ato vendime pasi ekzistojnë disa pamje filmike komprometuese që janë përdorur si shantazh, për të cilën ai mund të përfundojë pas hekurave.
Këtë herë, ato mjaftuan për t’i treguar kartonin e kuq Ronaldos, falë disa njerëzve me influencë të kriminalitetit shqiptar, të cilët kishin investuar miliona në bastet online se portugezi do të largohej para kohe nga fusha e lojës. Fitimet nga ky bast ishin shumë të mëdha. Si të mos ishin, kur një nga futbollistët më të mirë të ditëve të sotme përjashtohet nga Champions League.
Ndoshta kjo mund të ishte bëma e fundit e gjyqtarit, i cili do të përfundojë në sitën e UEFA-s pas kartonit të kuq ndaj Ronaldos. Skandaloze është se UEFA vazhdon ti besojë ndeshjet e rëndësishme Bryzhit, i cili i gjykon si mos më keq,”- shkruan ndër të tjera “ALO”.
