Aktori i njohur Rob Delaney ka pësuar një goditje shkatërruese. Ai ka njoftuar në faqen e tij në Facebook humbjen e të birit, pak më shumë se dy vjeçar.
“Kam lajme shumë të këqija. Djali im 2-vjeçar Henry ka vdekur”, ka shkruar ai për gjithë miqtë në faqen e tij në FB.
Më tej, vazhdon me një shënim të gjatë e rrëqethës. “Henry u diagnostikua me një tumor të trurit pak pas ditëlindjes së tij të parë, pas vjelljeve të vazhdueshme dhe humbjes së peshës. Ai iu nënshtrua një operacioni të vështirë për heqjen e tumorit dhe u trajtua gjatë vitit 2017, por pastaj kanceri iu rikthye dhe nuk shpëtoi dot”.
Delaney vazhdoi duke thënë se ai dhe gruaja e tij Lea, si dhe dy djemtë e tij më të mëdhenj “janë shkatërruar”. Ylli e përshkroi Henry si një “gëzim”.
“Ai ishte i zgjuar, i qeshur dhe i çuditshëm dhe patëm aq shumë aventura të mrekullueshme së bashku, veçanërisht pasi ai u kthye në shtëpi pas 15 muajve që jetonim në spitale”, tha Delaney.
“Tumori dhe kirurgjia e tij e lanë atë me aftësi të kufizuara të rëndësishme fizike, por ai shpejt mësoi gjuhën e shenjave. Dashuria e tij për të jetuar, për të dashur dhe për t’u lidhur ishte e thellë “.
41-vjeçari tha se në jetë e mban gruaja dhe dashuria e madhe e dy fëmijëve, vëllezërve të Henrit. “Ata janë arsyeja pse unë do të përpiqem të mos çmendem”.
