Policia federale e Zvicrës ka këshilluar që oligarku rus Roman Abramovich përbënte një “kërcënim për sigurinë publike” në rast se ai do të bëhej banor i këtij shteti.
Presidenti i skuadrës së Chelsea-s ka humbur këtë të martë një betejë ligjore shtatë-mujore kundër një botuesi gazete për të parandaluar publikimin e informacionit mbi arsyet e dështimit të tij për të siguruar vendbanimin në shtetin zviceran.
Beteja midis Abramoviçit dhe botuesit të Tamedia filloi në shkurt, pasi gazetari mori disa detaje të një letre të shkruar nga policia, të cilëve iu kërkua nga sekretariati i migracionit shtetëror të jepnin mendimin e tyre nëse oligarku rus duhet të lejohet të shkojë në kantonin e Valais.
Abramovich, i cili zotëron një rezidencë prej 90 milion paundsh në Kensington Palace Gardens, Londër, kishte aplikuar për leje qëndrimi në qytetin zviceran në korrik të vitit 2016, duke shpresuar që të bëjë aty vendpushimin e skive të Verbierit në shtëpinë e tij.
Megjithatë, pas një shqyrtimi të hollësishëm të dosjeve në lidhje me një nga burrat më të pasur të botës, policia ngriti një numër shqetësimesh.
Sipas Tamedia, policia njoftoi se Abramoviç ishte i njohur për “dyshimin e pastrimit të parave dhe si një person që kishte kontakte me organizatat kriminale”. Ata gjithashtu pohuan se kishte arsye për të besuar se “pasuritë e aplikantit janë të paktën pjesërisht me origjinë të paligjshme”.
Avokati i Abramoviç, Daniel Glasl, i është përgjigjur pretendimeve duke paraqitur një kërkesë për korrigjimin e fakteve nga policia federale. Ai tha se kishte planifikuar të paraqiste një ankesë penale kundër cilitdo që shpërndau informacionin.
Pas blerjes së Chelsea në vitin 2003 dhe ngritjen e klubit në nivele të larta me një investim prej më shumë se 1.1 miliardë dollarë të parave të veta, Abramoviç u bë pjesë e të privilegjuarve të masonëve rusë që e kanë bërë Londrën si shtëpinë e tyre gjatë tre dekadave të fundit.
Megjithatë, që nga helmimi i ish-spiunit rus Sergei Skripal në Salisbury në mars, Britania ka ndërmarrë hapa për të frenuar rrjedhën e parave nga Moska.
Abramoviç tërhoqi kërkesën e tij për të rinovuar vizën e qëndrimit të tij në Mbretërinë e Bashkuar këtë pranverë.dhe në maj mori nënshtetësinë e Izraelit.
