Një lajm i hidhur ka prekur kampin e skuadrës së Partizanit ditën e sotme.
Leo Cara, një tifoz i vogël i klubit kryeqytetas është ndarë nga jeta pasi nuk i’a doli të mposhtë sëmundjen e tij të rëndë, nga e cila vuante prej kohësh.
Tifozi me aftësi të kufizuara fizike ishte cilësuar si një nga tifozët më të veçantë të klubit, ndërsa shoqërohej gjithmonë nga babai i tij.
Lajmi u konfirmua nga vetë klubi nëpërmjet një postimi në rrjete sociale.
Aty shkruhet:
LAMTUMIRE LEO!
Klubi shpreh ngushëllimet më të sinqerta familjes Cara, për humbjen e Leos. Tifozi i veçantë me aftësi të kufizuara fizike i cili nuk linte ndeshje të skuadrës pa ndjekur dhe përkrahur në stadium, ka humbur betejën me jetën. Dashuria e tij për fanellën e kuqe e identifikoj vogëlushin si një prej mbështetësve më special të familjes së kuqe. Klubi i gjendet pranë familjes Cara në këto momente të vështira.
