Kreu i Komisionit të Ligjeve, Ulsi Manja ka reaguar në lidhje me ngjarjen e Fushë-Krujës, ku oficeri Emiljano Nuhu pretendon se është kërcënuar nga zyrtarë të Partisë Socialiste.
Duke folur nga studio e emisionit “Open” në Top Channel, Manja ka akuzuar Partinë Demokratike, duke thënë se është kthyer në një azil politik.
Sipas Manjës, fjalën e fundit për këtë ngjarje duhet ta thotë drejtësia.
“Kam qëndrim politik. Revolucioni i Saliut dhe Lulit. Fjalën për këtë çështje duhet ta thotë drejtësia. Drejtësia flet me fakte. Kemi tre çështje sot në KA dhe dy kallëzime në Prokurorinë e Tiranës. Ka kallëzim dhe të Ballës. Qëndrimi im është në anën e drejtësisë. Rast konkret tipik selia e PD është shndërruar në zyrë azili politik”, tha Manja.
