Platforma e Bashkëqeverisjes, e inicuar nga Kryeministri Edi Rama si një mekanizëm në duart e qytetarëve të zakonshëm shqiptarë, shënon sot një vjetorin e krijimit të saj.
Në një vit, përmes portalit shqipëriaqëduam.al, me mijëra qytetarë kanë arritur të fitojnë të drejtën e tyre në dyert e shtetit.
Falë ndërveprimit me zyrën e koordinatorëve të bashkëqeverisjes, iu janë dhënë zgjidhje halleve dhe problemeve të qytetarëve të zakonshëm.
Kryeministri Rama ka pritur në një takim në Kryeministri qytetarët që kanë marrë zgjidhje nga kjo platformë, falë së cilës, sipas tij, ministrat janë vënë drejtpërdrejtë në shërbim të qytetarëve.
Rama falenderori qytetarët që i janë drejtuar për zgjidhje platformës, pasi kështu kanë mundur t’i japin të gjithë shqiptarëve mesazhin se platforma është vërtet një instrument në duart e tyre. “Nga platforma ne kemi pritshmëri të lartë për shkak se funksionon dhe na ndihmon që të gjendemi prane njerëzv, por edhe që të ndjekim ecurinë e punës në zyrat e shërbimeve, duke hetuar administrativisht kur konstatohen vonesa e zvarritje, falë denoncimeve tuaja”, tha Rama.
Qytetarja Florike Topalli nga Pogradeci iu drejtua platformës në emër të komunitetit të përberë nga 30 familje në qytetin e Pogradecit, banorë të lagjes nr 4.
Banorët iu drejtuan Platformës, pasi gjatë punimeve për shtrimin dhe asfaltimin e segmentit Tiranë –Pogradec, në rrugën lidhëse me lagjen e tyre ishte bërë një devijim, i cili ishte kthyer në burim aksidentesh.
Një ditë pas ardhjes së ankesës në platformë ARRSH kreu inspektimin në terren së bashku me Mbikëqyrësin e punimeve në objekt dhe organizuan një takim me banorët.
Pas verifikimit në terren u ra dakord për zgjerimin e rrugës hyrëse të kësaj lagjeje në gjerësinë 6 metër si dhe plotësimin e saj me sinjalistikën përkatëse me të gjithë elementët e sigurisë.
Ministri i Infrastrukturës Damian Gjiknuri falenderoi qytetaren që e adresoi këtë ankesë, duke shtuar se Ministria e tij i ka dhënë zgjidhje 1438 çështjeve të adresuara nga qytetarët ndërsa ka marrë masa për 49 punonjës në raste vonesash ndaj qytetarëve.
Ndërsa kanë mjaftuar vetëm 3 minuta në platformën shqipëriaqëduam.al të qytetarit nga Laçi, Gëzim Prenga, i sëmurë kronik për sigurimin e një medikamenti të nevojshëm që mungonte prej tre muajsh në treg.
Qytetari u ankua në muajin gusht për mungesë prej 3 muajsh në treg të medikamentit Mesalazin/Mesaflor. Pas ankesës, FSDKSH ndoqi të gjithë procedurën administrative mbi depon që kishte lidhur kontratë për importimin e barit Mesalazin duke bërë shtesë kontrate me depon përgjegjëse për furnizimin e barit Mesalazin.
Prej Shtatorit 2018, kompania ka bërë të mundur furnizimin e tregut farmaceutik me këtë bar.
