Që prej daljes në opozitë dhe dorëheqjes nga drejtimi i Partisë Demokratike, ish kryeministri Sali Berisha na “furnizon”, veç të tjerash, me materiale të cilat i publikon në llogarinë e tij në “Facebook”.
Çdo ditë Berisha publikon foto e video nga më të larmishmet ku akuzon eksponentë të qeverisë dhe Partisë Socialiste, informacione të cilat sipas tij i vijnë nga qytetari digjital.
Mirëpo, për faktin se Berisha nuk i kalon në asnjë lloj filtri mesazhet që i vijnë në ibox, shpesherë del bllof me postimet që hedh. Kjo e ka kthyer shpeshherë “qytetarin digjital” të Berishës në keqinformues për publikun.
I tillë është edhe rasti i një fotoje të publikuar pak çaste më parë në llogarinë e tij ku pretendohet se kreu i Grupit Parlamentar të Partisë Socialiste, Taulant Balla është fotografuar në shoqërinë e një personi i cili sipas Berishës ka qenë i dënuar për trafik lëndësh narkotike në vitin 2015.
Mirëpo një publikim i vetë Taulant Ballës e nxjerr bllof Berishën dhe “qytetarin digjital” të tijin.
Taulant Balla ka publikuar foton reale e cila tregon qartë se fotoja e publikuar nga Berisha është një fotomontazh.
Në llogarinë e tij në “Facebook” përveçëse qartëson publikun, Balla shkruan se: Kinostudio e SHQUP-it dhe Saliu deshtuan perseri sot turpshem me nje fotomontazh, i cili ishte realizuar keq. Moren nje person qe nuk i di as emrin, prene nje fotografi timen dhe prodhuan foto te montuar, te cilin portalet e Zenit te Saliut dhe te kunatit te Lulit e bene lajm.Po me mire te kishit vene Lulin bashkë me Babalen, sesa kete tipin?. #vajmedetopozita
/Lexo.al/
