Sot, u mbajt mbledhja e Këshillit Ekonomik Kombëtar, nën drejtimin e ministres së Shtetit për Mbrojtjen e Sipërmarrjes, Sonila Qato, e kryesuar nga kryeministri Edi Rama dhe ministrat përgjegjës.
KEK është mbledhur për të shqyrtuar me biznesin dhe grupet e interesit projekbuxhetin dhe paketen fiskale 2019.
Kjo është hera parë, që ky Këshill mblidhet pas ristruktimit që u miratua janarin e shkuar dhe kalimit të tij në varësi të ministrit të shtetit për Mbrojtjen e Sipermarrjes.
Kryeministri Edi Rama ka deklaruar se buxheti i vitit të ardhshëm do të jetë më i lartë se vitet e tjera, ndërsa theksoi faktin se kjo do të ndikojë në krijimin e një peshë të re sociale më aktive në shoqërinë shqiptare.
Teksa ka folur në “Këshillin Ekonomik Kombëtar”, shefi i qeverisë theksoi se duke filluar nga 1 prilli i vitit të ardhshëm do të ketë rritje pagash në arsim, ushtri, por edhe në sektorin e shëndetësisë.
“Deficiti dhe borxhi të jetë nën kontroll. Nga ana tjetër të kenë gjithnjë soliditet në raport me tërësinë e buxhetit. Ndryshe nga më parë kur financoheshin përmes huave. Në buxhetin e parë, ne kishim detyrimin për të shlyer për stokun e një borxhi të papaguar të qeverisë së mëparshme dhe nga ana tjetër me kërcënimin e një kolapsi të sistemit të sektorit të energjisë.
Këto dy pesha kanë qenë shumë të rënda për këmbët tona. Pas kësaj, nxitja e investimeve dhe punësimit. Çdo buxheti i radhës është më i madh se paraardhësi, sepse vendi rritet në vite, por buxhetet kanë qenë më të larta se një viti më parë. Brenda strukturës së buxhetit, ju do të shihni se nuk është vetëm më i madh, por edhe rritja e të ardhurave është domethënëse në krahasim me një viti më parë”, theksoi Rama.
Drejtuesja e këtij këshilli, ministrja Qato tha se: “Dëshiroj të ndaj me ju faktin, që paketa fiskale e vitit 2019, e cila prezantohet sot, është fryt i një bashkëpunimi mes nesh dhe e propozimeve të sjella nga sipërmarrja në tryezat sektoriale te organizuara nga MSHMS”.
Ndaj po përmend vetëm tre prej tyre si:
• Ulja e normës se tatimit mbi dividendin nga 15 % në 8 % , Kerkese kjo e te gjitha shoqatave dhe grupeve te interesit, implementimi i te ciles do të rrisë të ardhurat dhe do te zhbllokojë likujditete të ngurtesuara në bilancin tatimor.
• Përjashtimi nga TVSH i furnizimit te nënkontraktorëve për kontraktorët ne industrinë fason, ka qene nje kerkese sistematike e kesaj industrie ne cdo takim te zhvilluar me kete grup. Kjo lehtesi fiskale nder te tjera do te ndikoje edhe ne permiresimin e rankimit te vendit tone ne raportin doing bussines te vitit 2019, pasi perjashtimi nga tvsh i nenkontraktoreve do te pershpejotoje proceduren e rimbursimit të TVSH për eksportuesit.
• Ndryshimi i skemës së taksës per ambalazhit plastik ka qene nje tjeter kerkese e shoqates se prodhueseve dhe riciklueseve. Ne pakete propozohet nje nivel i ri i taksës që do të aplikohet mbi produktet e plastikës nga 100 leke ne 35 lekë/kg, pra sa 1/3 e nivelit ekzistues. Impakti i kësaj politike do të ndikojë tek prodhuesit në vend, pasi hallka e taksimit te amballazhit, duke u bërë njësoj sa gjithë Rajoni.
Në vëmendjen tonë mbetet nxitja e prodhimit dhe përpunimit në vend, ku kemi diskutuar në tryezat e zhvilluara, nismat mbi nevojën e:
• Përjashtimit nga TVSH i importit te makinerive bujqësore
• Përjashtimi ne import i lendeve të para për fabrikat e prodhimit farmaceutik,
për imputet non-dual-use
• Rritja e rentës minerare për eksportin e kromit nga 6 % ne 9 %, për të nxitur përpunimin në vend.
