Ambasadori i Bashkimit Europian në Tiranë, Luigi Soreca ka reaguar përmes një statusi në faqen zyrtare të delegacionit për operacionet e zhvilluara nga policia shqiptare. Ai shprehet se lufta kundër krimit dhe trafikut është një nga kushtet kryesore të BE për integrimin. Soreca thekson se BE pret që ndjekjet penale dhe dënimet të vazhdojnë me rezultate të tjera.
Ne mirëpresim operacionin e gjerë anti-#drogë të ndërmarrë sot në qytete të ndryshme nga Policia e Shtetit. Lufta kundër krimit të organizuar & trafikut të drogës është një prioritet top për BE. Presim që #ndjekjet penale & #dënimet të vazhdojnë me rezultate të qëndrueshme.
Luigi Soreca
Mbrëmjen e sotme janë arrestuar në disa operacione; ish-deputetët e PS, Arben Ndoka dhe Arben Çuko për korrupsion dhe falsifikime, të fortët e Shijakut, vëllezërit Avdyli për trafik heroine, ndërsa për këtë dosje janë mbi 20 të shoqëruar të tjerë dhe disa në kërkim mes tyre Lul Berisha.
Ndërkohë që në Sarandë dhe Delvinë vijon operacioni për arrestimin e të shumëkërkuarit Kelmend Balilit. Operacionet janë zhvilluar në Tiranë, Durrës, Lezhë, Elbasan, Sarandë, Delvinë dhe disa qytete të tjera të vendit.
