Armata amerikane kumtoi me sukses e testoi një sistem raketor mbrojtës, për të cilin ekspertët pohojnë se paraqet kthesë dhe dëshmon se SHBA-ja është duke i përforcuar kapacitetet për rrëzimin e raketave me rreze të mesme veprimi.
Sistemi “Egis” i përdorur në testin më të ri është i pajisur me raketë standarde pritëse e cila është zhvilluar prej kompanive “Rejteon Co” dhe asaj japoneze “Micubishi hevi industri Ltd”.
Drejtori i Agjencisë për Mbrojtje Raketore, gjeneral-koloneli Sem Garvis theksoi se testi paraqet “arritje të jashtëzakonshme dhe kthesë kryesore”.
Sipas ekspertëve, testimi mundëson të vazhdojnë planet për sistemimin eventual të sistemit në Poloni dhe kontribuon që sa më shpejtë të fillojë prodhimi i sistemit raketor mbrojtës.
Ndërkohë planet e SHBA-së për të sistemuar një mbrojtje raketore në Poloni është me qëllim që të pengohet sulmi eventual nga Irani, por kjo shkaktoi shqetësim në Rusi.
Presidenti rus, Vlladimir Putin theksoi se nëse SHBA-ja del nga Marrëveshja për forcat bërthamore me rreze të mesme veprimi (INF), do të duhet të përgjigjen në mënyrë të fuqishme. Sipas Putinit, shtetet evropiane “duhet ta kuptojnë” se rrezikojnë të jenë cak i kundërsulmit, nëse pajtohen në territorin e tyre të vendosen raketa amerikane me rreze të mesme veprimi.
Testimi për pritjen e raketave u zbatua nga anija “USS Xhon Fin” në Paqësor, ndërsa raketa e cila ishte cak u lansua nga një lokacion në Havai.
