Nënkryetari i LSI, Luan Rama, ka ashpërsuar tonet me kryeministrin Edi Rama, duke perdorur madje nje fjalor qe mund te quhet me “pulle te kuqe”.
Me anë të një postimi në rrjetet sociale, Rama është shprehur se në Shqipëri, me vullnetin e kryeministrit kriminelët bëhen ministra dhe deputetë.
Ndër të tjera deputeti i LSI është shprehur se Rama kërcënon kundërshtarët politikë dhe iu kanoset punojësve të shtetit që denoncojnë kriminelët.
Të gjithë këtë situatë, Luan Rama e ka përshkruar me shprehjen “Kurt ë përdhunuarat gjykohen me ligjin e rrugës nga prostitutat”.
Postimi i plotë i Luan Rames:
Ku të përdhunuarat gjykohen,
Me të rrugës ligj, nga prostitutat…
Në këtë vend ku banditi prej kryetarit të partisë bëhet deputet a ministër, e pastaj të gjithë, ministra e deputete shërbëtorë të krimit, ku trafikanti e krimineli bën moral e pafytyrësinë e shet para kamerave për krenari, ku kryeministri merr në mbrojtje horrat, e si zëdhënës i tyre kërcënon kundërshtarët politikë e iu kanoset punonjësve të shtetit që denoncojnë kriminelët, nuk mbetet tjetër veç të kujtojmë vargjet e poetit kur prej dhembjes e dëshpërimit shprehej:
“Eja kënga ime, s’kemi ç’rrimë,
Mes kësaj rrëmuje pa kuptim,
Vrasësi ku hiqet për viktimë,
Dhe viktimës i kërkon shpagim.
Ku të përdhunuarat gjykohen,
Me të rrugës ligj, nga prostitutat,
Ku të marrë e t’urtë përgojohen,
Dhe servilët, porsi minj nga skutat,
Dalin rrahin gjokset dhe mburren,
Se luftuan vrimash si heronjtë,
Kuajve të ngordhur tek u turren,
Për t’u hequr me nxitim patkonjtë”.
