Presidenti, i ka bërë vetë llogaritë e kësaj ndeshjeje me SHBA-BE, të cilën e mendon, se po e zhvillon me humbamenot dhe zvarranikët e LSI, apo me lulishtarët e Presidencës, por thënia “Jo” e një kandidature, që me heshtjen e plotë i tha “Po” Perëndimi, qartëson pozicionin e sikletshëm të Ilir Metës, si Ilir Meta i kapur nga krimi
Kundërshtimi i kandidaturës së Ministrit të Brendshëm, nuk kishte nevojë, të mbahej varur për 7 ditë, mbasi qëndrimi i Metës, për luftën kundër krimit e korrupsionit, dihet prej 27 vjetësh, jo thjesht si interes politik krevati, por si subjekt familjar, në konflikt të plotë e të hapur interesi, me platformën e re, të luftës anti-krim dhe anti-korrupsion.
Presidenti, zyrtarisht strukturë e lartë e shtetit, por shërbëtor i botës së krimit, me JO-në e tij të imponuar, nuk rrëzoi kandidaturën e PS, emrin e paraqitur nga kryeministri, apo personin Sandër Lleshi, por vulosi bllokimin provizor, të programit të SHBA-BE, të cilëve, me këtë vendim, u dërgoi mesashin banditesk, se ka ende fuqi, për të penguar çdo lëvizje, qoftë edhe kur ideohet, programohet, mbështetet dhe zbatohet, nga kupola e Perëndimit.
Presidenti, i ka bërë vetë llogaritë e kësaj ndeshjeje me SHBA-BE, të cilën e mendon, se po e zhvillon me humbamenot dhe zvarranikët e LSI, apo me lulishtarët e Presidencës, por thënia “Jo” e një kandidature, që me heshtjen e plotë, i ka thënë “Po” Perëndimi, qartëson pozicionin e sikletshëm të Ilir Metës, si President i kapur nga krimi, aq sa u detyrua, të dalë kundër një operacioni të pandalshëm ndërkombëtar në Shqipëri.
Presidenti, nuk dekretoi një emër, nga frika se bota ka zgjedhur një katolik jashtë guackës ë politikës së vjetër, i cili u është betuar, se ka moralin dhe guximin, për të “trokitur” në çdo derë e skutë, janë struktur ose kaperdiset kokat e krimit, qofshin edhe me mandate pushteti.
Tashmë u bë e qartë, se Shqipëria është Republikë me President, që nuk zbaton Kushtetutën por kushtet që i vihen nga “Republika e Krimit, duke shprehur haptazi, pozicionimin e tij, për t’i thënë “Jo” misionit anti-krim të SHBA-BE dhe “Po”, ekzistencës, mbrojtjes dhe vazhdimësisë së pushtetit të “balilëve”…/Pamfleti
