Ish-kreu i Gjykatës së Kasacionit, sot Gjykata e Lartë, Zef Brozi, ka shpërthyer me tone të ashpra pas mosdekretimit të ministrit të ri të Brendshëm, Sandër Lleshi, nga Presidenti Ilir Meta.
Brozi thotë se të gjithë pushtetarët e korruptuar dhe të inkriminuar janë kundër Sandër Lleshit, ndërkohë që vlerëson se Gjenerali është një njeri i ndershëm dhe me reputacion të lartë.
“Përshëndes përzgjedhjen e mrekullueshme që bëri kryeministri Rama me propozimin e Z. Sander Lleshi në postin e Ministrit të Brendshëm.
Vetëm politikanët e pushtetarët e korruptuar dhe inkriminuar mund të kundërshtojnë dhe kanë frikë nga intelektualë me integritet të lartë e ndershmëri te admirueshme që mishërohen në personalitetin e Z. Sandër Lleshi, i cili gëzon një reputacion të lartë dhe në institucionet Perëndimore”, reagon Brozi në një postim në rrjetin social.
Kujtojmë se Ilir Meta, presidenti i Republikës refuzoi të dekretonte Sandër Lleshin si ministër të Brendshëm, pasi “nuk kishte krijuar bindjen” për këtë.
