Të dy ‘kokat’ e korrupsionit jo vetëm në Shqipëri, por edhe në gjithë Ballkanin, kanë kundërshtuar me forcë figurën e njohur, të sjellë nga amerikanët dhe gjermanët për të luftuar dhe goditur me themel gjithë piramidën kriminale, deri në nivelet më të larta
Ilir Meta dhe Sali Berisha nuk e fshehin më ‘dashurinë’ për njëri-tjetrin. Deri më tani, Presidenti dhe ish-kryeministri kishin hedhur sinjale në distancë për një pakt sekret mes tyre, por tashmë ata nuk fshihen më.
Të etiketuar nga ndërkombëtarët si dy figurat më të korruptuara dhe të inkriminuara në Shqipëri, dhe të njohura nga shqiptarët si dy fatkeqësitë më të mëdha të vendit, Meta dhe Berisha duket se po gjejnë qetësi në ‘supet’ e njëri-tjetrit, teksa fundi po iu troket. Ka qenë vetë Sali Berisha, që nuk ka duruar më dhe e ka bërë publik paktin sekret me Ilir Metën.
Ajo që ka detyruar dyshen e krimit të dalë hapur në mbështetje të njëri-tjetrit ka qenë emri i propozuar nga ndërkombëtarët për ministër të Brendshëm, Sandër Lleshi. Të dy ‘kokat’ e korrupsionit jo vetëm në Shqipëri, por edhe në gjithë Ballkanin, kanë kundërshtuar me forcë figurën e njohur, të sjellë nga amerikanët dhe gjermanët për të luftuar dhe goditur me themel gjithë piramidën kriminale, deri në nivelet më të larta.
Presidenti Meta nuk pranoi të dekretonte Sandër Lleshin si ministër të Brendshëm, duke u pozicionuar qartë kundër ndërkombëtarëve, ndërsa në të njëjtën vijë është padyshim edhe ish-kryeministri Sali Berisha. Ky i fundit, ka zbuluar sot paktin me Metën, me të cilin veprojnë nëndheshëm për të destabilizuar dhe shkatërruar totalisht Shqipërinë.
Duke sulmuar kryeministrin Edi Rama dhe duke ju dhënë një goditje të fortë edhe ndërkombëtarëve, Berisha doli krah Metës në aktin më të paprecedentë të ndodhur ndonjëherë, atë të mosdekretimit të ministrit të ri të Brendshëm pas asnjë arsye bindëse./Pamfleti
