Parlamenti votoi paraditen e së martës dekretin e Presidentit për shkarkimin e Fatmir Xhafajt nga posti i ministrit të Brendshëm.
Kryeministri Edi Rama deklaroi se nuk do të tërhiqet nga emri i Sandër Lleshit dhe se do t’i japë kohë Presidentit Ilir Meta, edhe pse afati ka kaluar.
Pas seancës jashtë radhe sot në Kuvend për votimin e shkarkimit të ministrit të Brendshëm, Fatmir Xhafaj, kryeministri Edi Rama mblodhi qeverinë, e cila doli me këtë vendim.
Lleshi mori drejtimin e Ministrisë së Brendshme, pas refuzimit të kreut të shtetit për ta dekretuar si ministër.
