Historiania e njohur, Elena Kocaqi, ka shpërthyer me tone të forta ndaj Presidentit Ilir Meta, duke thënë se ai nuk guxon të vizitojë arvanitët tanë të braktisur dhe të shtypur nga thundra e një ideologjie heleniste falso.
Kocaqi e ka bërë këtë deklaratë të fortë, duke marrë shkasë nga vizita e Metës tek arbëreshët e Italisë. Mes të tjerash, historiania bën apelin e fortë se nuk mund të lejojmë gjakun tonë të humbasë, duke shtuar se duhet të kërkojmë të drejtat etnike për popullin tonë të ndritur arbëresh dhe arvanitas, që janë autoktonë, por po shtypen nga helenizmi fals.
“Shumica e Arbreshëve të Italise jane nga Peleponezi( Morea). Sot ata mbeten po Shqiptar dhe krenar. Ndersa vellezerit e tyre atje Arberesh i bënë Grek fallco. Ndaj, Arbereshet tane ne Greqi, qe jane manipuluar, mashtruar dhe poshtruar, duhet te zgjohen dhe te ruajne identitetin e te pareve, qe e ruajten prej mijera vjetesh. A guxon nje politikane Shqiptar sot, ti thote Greqise se, keta Arberesh qe i nderon dhe njeh Italia si Shqiptar, jane Arbereshte e Greqise.
A guxon nje preisdent i joni te vizitoj Arvanitet tane te braktisur dhe te shtypur nga thundra e nje ideologjie heleniste fallco? Rilindja e ndergjegjes Arbereshe ne Greqi, duhet te jete sot ne epoken e informacionit, prioritet. Nuk mund te lejojme gjakun tone te na humbasi. Duhet te kerkojme te drejta etnike per popullin tone te ndritur Arberesh apo Arvanit ne Greqi qe jane autoktone dhe po shtypen nga helenizimi fallco”, shkruan Kocaqi.
