Në një prononcim për gazetarët nga qyteti i Korçës, ish-presidenti Alfred Moisiu, është shprehur, se presidenti këtë herë e ka patur të gjithë kohën e nevojshme për të verifikuar figurën e Sandër Lleshit.
Pas kësaj, Meta nuk ka se çfarë të mendohet dhe duhet ta dekretoj ministrin e ri./Ekskluzive.al
Deklarata e plotë e ish-presidentit Moisiu:
“Çfarë mendoni se do të bëjë Meta me dekretin e dërguar sërish nga qeveria për Lleshin?
Mendoj se Presidenti do ta kalojë këtë dekret.
Pse mendoni se “po” kësaj here?
Mendoj që kësaj here presidenti ka pasur kohë për ta verifikuar.
Herën e parë se kishte kohën apo ishte precedent?
Ka pasur kohë për të reflektuar mbi të gjitha zhvillimet që kanë ndodhur
E ka shkelur Kushtetutën Meta herën e parë?
Unë e kam deklaruar edhe më herët se presidenti nuk është noter, por këto probleme zgjidhen me diskutime, mes presidentit dhe kryeministrit. Kushtetuta i jep të drejtë Presidentit të shqyrtojë. Unë kam patur dy raste, një rast me Nanon kryeministër dhe një rast me Berishën, për dy ministra. Më sqaroi Nano, po ashtu edhe Berisha për një ministër, më dha informacion.
Ju mendoni se Rama-Meta kanë sqaruar gjithçka dhe pritet vetëm firma e Presidentit?
Tani, kjo është e mira e vendit. Në fund të fundit, presidenti është përfaqësues i dinjitetit kombëtar.”
