Kryetari i PD Lulzim Basha ka reagur pas statusit të Ramës për heqjen simbolit të “Shqiponjës” tek Dogana në kryeqytet.
Në një shënim në twitter Basha thotë se për Ramën çfarë nuk sjell para në xhepat e tij dhe oligarkëve është pa vlerë, ndaj shkatërron Shqiponjën e 100 Vjetorit të Pavarësisë.
“Kur zgjedh për simbol hashashin, Shqiponja Kombëtare të duket vulgaritet.
Për Ramën çfarë nuk sjell pará në xhepat e tij dhe oligarkëve është pa vlerë, ndaj shkatërron Shqiponjën e 100 Vjetorit të Pavarësisë, për miliona euro që i jep një kompanie fantazëm dhe nën sekuestro.”- shkruan Basha.
Ndërkohë më herët Rama shkruante:
Kurrë vulgariteti s’kishte hipur me më shumë prepotencë në një piedestal, se sa në rastin e kësaj “shqiponje” në mesin e një skenografie pseudoklasike prej hyrjeje në kazino, që natën e bënte hyrjen e Tiranës si skenën e një filmi nga një tregim i Edgar Alllan Poe-s!
Më në fund.
