Ilir Meta dhe Monika Kryemadhi, çifti i politikanëve më i korruptuar dhe inkriminuar në Ballkan sipas raporteve ndërkombëtare, sondazheve dhe perceptimit publik, po hetohen për lidhjet e shumëfishta me Klement Balilin, ‘Eskobarin e Ballkanit’, i cili është në kërkim nga DEA amerikane për trafik ndërkombëtar droge.
Komisioni hetimor parlamentar për drogën ka vënë në lëvizje Prokurorinë, Ministrinë e Brendshme dhe pastrimin e parave për zbërthimin e lidhjeve të Balilit me LSI dhe favoritin e tij nga ministrat e LSI.
Komisioni hetimor për fenomenin e drogës po heton edhe të gjitha favoret që i janë bërë Balilit nga ministrat dhe drejtorët e LSI. Komisioni kërkon “Të dhëna lidhur me grante të dhëna shtetasit Klement Balili ose të afërmve të tij, sa është vlera e tyre, kur dhe nga kush janë dhënë, për çfarë janë dhënë”.
Kjo dosje do të shqyrtohet nga komisioni hetimor dhe do t’i vihet më pas në dispozicion drejtësisë aktuale ose Byrosë Kombëtare të Hetimit. Hetimi ka alarmuar bandën e LSI dhe dy krerët e saj, Ilir Metën dhe Monika Kryemadhin.
Nga ana tjetër, Sali Berisha ka urdhëruar deputetët e PD që të tërhiqen menjëherë nga komisioni, pasi hetimet rreth Balilit mund të fundosin aleatin e tij, Ilir Metën. Sapo kanë nisur verifikimet, anëtarët e PD janë larguar nga komisioni, duke mos marrë më pjesë në asnjë mbledhje.
Balili ishte njeriu më i rëndësishëm i bandës së Lëvizjes Socialiste për Integrim në Sarandë. ‘Eskobari shqiptar’ ishte drejtor i Transporteve të LSI në Sarandë, post të cilin e përdorte për trafikun ndërkombëtar të drogës.
Lidhja e Balilit me LSI ishte kaq e fortë, saqë Ilir Meta mbajti një fjalim special në derën e hotelit të ‘Eskobarit’ në Sarandë, ndërtuar me paratë e drogës.
Ish-ministra të LSI janë vënë në rresht, me urdhër të Monikës dhe Metës, për t’i dhënë prona publike Balilit, i cilat i ka përdorur për të kamufluar trafikun e drogës dhe për të pastruar paratë e pista. Ka dyshime të arsyeshme që një pjesë e parave të drogës kanë shkuar në xhepat e bandës së LSI.
Për të fshehur lidhjet me Balilin, Meta kërkoi të mblidhej Këshilli i Sigurisë Kombëtare se gjoja ishte i shqetësuar për moskapjen e tij, kur vetëm disa muaj më parë doli duke mbajtur fjalim tek dera e hotelit të Eskobarit në Sarandë.
Nëse nuk do të kishte hetuar DEA amerikane, biznesi i Balilit me drogën do të vijonte të lulëzonte edhe sot, pikërisht për shkak të lidhjes me krerët e politikës dhe përdorimit të institucioneve publike për trafiqe. Për hetuar në këtë drejtim është e interesuar vetë DEA amerikane./Pamfleti
