Drejtësia shqiptare vijon të jetë nën thundrën e krimit dhe të korrupsionit. Edhe kur po tentohet aplikimi i një drejtësie me njerëz të ndershëm, sërish kasta e vjetër që janë brenda gjyqësorit kanë aktive makinacionet e padrejtësisë.
Sot u zbut masa e sigurisë për dy ish deputetët socialistë Arben Çuko dhe Arben Ndoka. Nga arrest me burg, në arrest shtëpie dhe shumë shpejt pritet të jenë të lirë. Pas gjithë operacionit të bujshëm për arrestimin e dy ish funksionarëve të lartë gjithçka merr trajtën e një flluske sapuni.
Kjo të tremb dhe të bënë të dyshosh, se prokuroria është akoma një vegël e komandur nga tutorët e vjetër, të cilët duan skandale dhe destabilizim, për të krijuar pakënaqësi tek qytetarët, për sjelljet gjoja të pozitës, e deri tek veprimet ligjore të drejtësisë
Dy deputetët, të arrestuar në sajt të disa përgjimeve q♪7 nuk përbëjnëas një provë reale, jo vetëm do t’ja hedhin drejtësisë, por tanimë janë në të drejtën e tyre të hedhin në gjyq për dëm moral dhe të figurës.
Ende është e panjohur dora që nxit operacione “të bujshme” pa u kopsitur dosjet dhe akuzat, që më pas rezultojnë boshe.
Nëse vijohet me këtë taktikë ditë edhe më të zeza e presin Shqipërinë dhe akoma më shumë qesharake bëhet drejtësia shqiptare.
Nëse përgjegjësit “ia hedhin” kush do të ndëshkohet nga drejtësia shqiptare?! Është emergjente për t’i thënë “Stop” kësaj praktike, e cila lë në qeli “cironka”, ndërsa “kokat” e krimit shijojnë lirinë.
