Pasi doli nga vizita e efektivëve të plagosur, në Spitalin e Traumës, kryeministri i vendit, Edi Rama ka dhënë një deklaratë për medie, ku ka komentuar edhe njëherë protestën e dhunshme të zhvilluar këtë të enjte.
“Përfytyroni, çdo prind, çdo vëlla, çdo motër, çdo të thotë të vijë vajza nga puna, vetë 24 vjeçe me gishta të këputur, pasi ka dalë të kryejë detyrën.
Është një situatë që nuk ka ndodhur që nga prishjet e parkut Rinia. Një parti që merr përsipër të mbrojë zaptues pronash, kundër interesit publik për të frenuar zhvillimin e një vepre që nuk kanë për ta frenuar dot.
Prerja e gishtave është një vije e kuqe për ata që sot kanë marr përsipër t’i kundërvihen ligjit.
Nuk ka shans që ligji të mos zbatohet njësoj për të gjithë dhe policia e shtetit të kthehet në target për kapsolla gurë.” ,– u shpreh Rama.
Banorët te Unaza e Re që kanë dokumente do të zbatohet ligji, kush është me një strehë do të marr bonos qiraje, ndërsa të tjerët të largohen sa më parë se nuk do të marrin asgjë.”
